As i was rummaging through the closet of my mind, i happened to find this on one dusty ignored shelf :)
.......
...
...
Intzaar mein kshitij pe ankhein bichaye,
na milta hain kisi ko kabhi kinara..
toote dil ki nakaam ummeedein,
na le paati hain kabhi kisi ka sahara..
kacchi ret ka mahel banakar,
basane chali thi main ek sapna,
per ek thandi hawa ke jhoke ne,
chin liya jo kuch tha apna...
aur kahin is toofan mein,
pyaar ke afsaane beh gaye,
magar shikwa hain toh is baat ka,
ki in labo pe unke taraane reh gaye!
Bahut kuch seekha humne,
rishton ki ehmiyat jaan li,
naadan dil ne aisi chot khaii,
ki shabdon ki bewafai pehchaan li!
khamosh dhadkan ne maan li,
jo barson se na maana tha.
dilojaan se apna jise samajhte the,
woh to hamesha se begaana tha :)
woh kya jaane sacchi mohabbat,
shayad badnaseeb hum nahi...
pyaar jaane wahi jo dard mein aansu roye,
yahan toh pal pal hain nadiyan bahii
hamesha se nikli dua e dost,
ki tumhe khushi mile ,had se pareh,
badle mein,kismat ne kuch aisa kiya,
jo koi dushman ke saath bhi naa kare
Pyaar ki ummed jagakar,
bich raaste haath chuda liya,
har pal ummeed ki kiran jagakar,
doosre hi pal rula diya...
khuda na kare, zindagi ke kisi mod per,
agar mohabbat tujhse rooth jayegi,
tab shayad kahin ek pal ke liye,
tumhe humari yaad satayegi...
kisi roz yeh kahani apni fariyad sunayegi,
chupke se aakar, us purane mausam ki yaad dilayegi...
do din ki is zindagi mein ek ranjish sada rahegi,
kisi mod pe hum mile the, yeh khalish sada dasegi!!!
